පොතක තිබුණා මෙසේ.....

අප රටේ ඉන්න ප්‍රතිභා පූර්ණ ලේඛකයෙක් වන කේ.ජයතිලක ශූරින් විසින් රචිත "මතු සම්බන්ධයි" කෘතියෙන්(122 පිටුව) උපුටා ගත් කොටසක් පහතින් දක්වල තියෙනව.....1975 ලිව්ව කෘතියක් වුණත් කේ.ජයතිලක මහත්මයගේ මේ අදහස් අදටත් කොච්චර ගැලපෙනවද කියල බලන්නකො..විශේෂයෙන් අන්තර් විශ්ව විද්‍යාල ශිෂ්‍ය බලමණ්ඩලයේ ශිෂ්‍ය ශිෂ්‍යාවන්ටත් ජේවිපී ඇතුළු අනෙකුත් වාමාංශික පක්ෂ වල සහෝදරයින්ටත් මේ පුංචි අදහස කොච්චර ගැලපෙනවද.......

-උපුටා ගැනීම-

"ඔය තරුණයන්ගෙ ඔක්කොම විවේචන ඒ ගොල්ලන්ට වගකිමක්,නැත්නම් බලයක්,ලැබෙනකල්.ඒ ගොල්ලන්ගෙ යටි හිතේ බලයට ආශාව අළු යට ගිනි පුපුරක් වගෙ දිලිසෙනව.මම මේ දිහා කාලයක් තිස්සේ බොහොම පරීක්ෂාවෙන් බලාගෙන හිටියෙ.හතළිස්,පණස් ගණන්වල හිටන් ලංකාවෙ විශ්ව විද්‍යාලවල හිටපු විප්ලවවාදියො එහෙමම හිටියා නම් අපට ලෝක විප්ලවයක් කරන්න විප්ලවවාදීන් පිටරටවලට අපනයනය කරන්න පුළුවන්.ඔය පීඩිත ජනතාව වෙනුවෙන් ජිවිත දුන්න අතිවිප්ලවවාදීනුත් තමන්ට බලය ලැබුණ දවසෙ දෙකේ මොකක්ද කෙළේ.අර ප්‍රතිගාමීයි කියල හෙළා දකින පාලන තන්ත්‍රයම ඒ ගොල්ලන්ගෙ නායකත්වයෙන් ඇති කරන්න හැදුවා මිසක..?එකම වැරැද්ද ව්‍යාපාරයක්  කාලයක් තිස්සේ ගෙනහින් බලයට පත් වෙන්ට ඉවසිල්ල වත් පුළුවන්කමවත් ඒ ගොල්ලන්ට නෑ.ඒක නිසා විප්ලව‍ය ගැන දේශනා කරල සතුටු වෙනව.තමන්ට ඇමති ධුරයක් දෙනව නම් ප්‍රතික්ෂේප කරන එකම නායකයෙක්වත් දුසිම් ගණන් අද තියෙන ලංකාවේ මාක්ස්වාදී පක්ෂ අතරෙ නෑ.විශේෂයෙන්ම උපුල්ගෙ චරිතයෙ දඩබ්බර ලක්ෂණ මොකුත් නෑ,ඔය හුඟක් මදාවිකාරයන්ගෙ වගේ...."

-උපුටා ගැනිම අවසන්-